Tu âs cirût la peraule
monolengâl
torne indaûr

monolengâl

parâ vie loc.v.
Fâ lâ o fâ stâ lontan, ancje cun decision o cu la fuarce
sinonims
mandâ vie, slontanâ
esemplis
"di confidence in confidence, i ôcs a lavin pardut. Di scugnî tignî lis puartis sieradis o stâ pronts a parâju vie cu la scove"
gjavât fûr di "I ôcs di Miute" di Maria Forte
""No bisugne precipitâ. Pluitost scrivìn, o pûr mandìn cualchi persone di cûr che puedi fevelâ par te… Bisugne che tu pensis che no tu pûs lâ tu a fâti maltratâ, a fâti parâ vie…""
gjavât fûr di "A ogni cost" di Vittorio Vittorello
parâ vie loc.v.
Fâ che cdn. al vedi di molâ une posizion, une ativitât, une funzion e v.i.
sinonims
meti de bande, lassâ di bande, lassâ de bande, lassâ in bande, butâ di bande, butâ de bande, butâ in bande, parâ in bande, parâ di bande, parâ de bande
esemplis
"[Mussolini] nol à rivât adore di tignî adun nancje i siei, che cul jutori dal re Vitorio - chel che lu veve metût sù dal '22 - lu àn parât vie e metût in preson"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
parâ vie loc.v.
Riferît al timp, fâlu passâ
esemplis
"done Pine e agne Menie, dopo vê murmuiât il rosari intîr par parâ vie il timp, si jerin fermadis a lunc, une par cjanton, cidinis"
gjavât fûr di "Chei di Muraie" di Pieri Menis
"al vignive a Tesis par parâ vie il timp e par sbaldîsi un pôc"
gjavât fûr di "Il dolfin" di Carlo Sgorlon
parâ vie loc.v.
Movisi indenant, seguitâ a lâ
sinonims
lâ indevant, lâ indenant, lâ dilunc
esemplis
"Minut al parave vie. Sul puint di len, ca jù dal Luri, a jerin i coscrits di Rivuinis a spietâju"
gjavât fûr di "La aghe da pît la cleve" di Dino Virgili
""[...] Se i voleis parâ via pa la vuestra strada, viodeit di no fâsi capî!""
gjavât fûr di "Donald dal Tiliment" di Stiefin Morat
detulis
"Sant Matie se al cjate glace le pare vie, se no 'nt cjate ind fâs vignî"
torne sù